Almaniya məğlubiyyətdən qaçdı, Yaponiyadan ikinci qələbə

Yeni Zelandiya

26.09.2012 - 20:52

Ölkəmizdə təşkil olunan 17 yaşadək qızlar arasında dünya çempionatında II tura yekun vurulub. Apasport.az saytının xəbərinə görə, bu dəfə meydana C və D qruplarında yer alan komandalar çıxıb.

Bu görüşlərdən sonra daha 1 komanda 1/4 final arzusu ilə vidalaşıb. Belə ki, D qrupunda mübarizə aparan Uruqvay millisi sonuncu turun nəticələrindən asılı olmayaraq medal şanslarını itirib. Buna cənubi amerikalıların 2-ci məğlubiyyəti səbəb olub. Qanaya uduzan Uruqvay öz aralarında heç-heçə edən Almaniya və Çindən uzaq düşüb. Cənubi amerikalılar 4 xallıq fərqin son turda aradan qaldırılması mümkünsüz olduğundan 2 vəsiqə uğrunda 3 komanda mübarizə aparacaq.

Digər qrupda isə son tur hər şeyi dəyişə bilər. Hesabında 2 qələbəsi olan Yaponiya nəzəri cəhətdən 1/4 finaldan kənar da qala bilər. Yeni Zelandiya isə ilk qələbəsini qazanacağı halda adını növbəti mərhələyə yazdıra bilər. Bu variantlar inandırıcı olmasa da C qrupunda hansısa yığmanın 1/4 finala çıxdığını və ya şanslarını itirdiyini söyləmək olmaz.

Qeyd edək ki, Uruqvaya qədər daha 2 komanda – Azərbaycana və Qambiya da 1/4 finala nəzəri şansını itirmişdi. Hələ heç kim “səkkizlik”də yerini təmin etmədiyindən son turda 13 komanda 8 vəsiqə uğrunda mübarizə aparacaq.

17 yaşadək qızlar arasında dünya çempionatı
II tur

26 sentyabr

C qrupu

Meksika – Braziliya - 0:1
QOL: Byanka, 82
Baş hakim: Katerina Monzul (Ukrayna)
Bakı. 8-ci km qəsəbə stadionu

Meksika: Qabrila Paz, 2. Jaklin Rodriges, 4. Jokey Oreyel, 5. Paulina Solis, 6. Karla Nyeto (k), 7. Taylor Alvarado, 8. Qreta Espinoza, 10. Sintiya Pineda, 14. Fernanda Perez, 18. Halli Hernandez, 20. Cenni Çiu

Braziliya: 1. Nikole, 2. Juliya, 4. Karoline, 5. Camila, 6. Letisiya, 8. Cenifer, 10. Andressa (k), 17. Ana Klara, 18. Qabrielle (9. Byanka, 69), 19. Cennifer, 20. Brena

Yeni Zelandiya – Yaponiya - 0:3
QOL: Yui Hasegava, 60; 78; Rin Sumida, 90+3
Baş hakim: Kardella Samuels (Yamayka)
Bakı. 8-ci km qəsəbə stadionu

D qrupu

Uruqvay – Qana - 0:5
QOLLAR: Jane Ayieyam, 8, Priskilla Okyere, 24, 79, Alberta Ahali, 45, Fatimə Əlhəssən, 78
Baş hakim: Ri Hyanq Ok (KXDR)
Bakı. “Bayıl Arena” stadionu

Uruqvay: 1. Anabel Ubal, 2. Nikola Arambulo (k), 3. Karen Akosta, 4. Karina Felipe, 6. Yamila Del Puetro, 8. Mariya Qonsalez, 9. Pamela Qonsalez, 10. Karolina Birizamberri, 11. Yamila Badell, 14. Stefani Treqartten, 16. Romina Soravilla, 17. Sabrina Soravilla

Qana: 16. Viktoriya Aqye, 3. Ceyn Ayeyam, 6. Ellen Koleman, 7. Şerifatu Sumayla, 8. Vəsilə Divura Suale, 9. Alberta Ahali, 11. Vida Opoku, 14. Priskilla Okyere (k), 17. İvi Kolli, 18. Reqina Antvi, 20. Fatimə Əlhəssən

Çin - Almaniya - 1:1
QOL: Miao Siven, 12
Baş hakim: Aissata Amegi (Toqo)
Bakı. “Bayıl Arena” stadionu