73 dəqiqə topsuz oyun

26.09.2012 - 11:35

17 yaşadək qızlar arasında dünya çempionatının II turunda keçirilən Azərbaycan – Nigeriya oyununun statistik göstəriciləri açıqlanıb. Apasport.az-ın məlumatına görə, FİFA-nın rəsmi saytı Afrika təmsilçisinin 11:0 hesabı ilə qalib gəldiyi matçda yığmamızın aşkar zəif olduğunu müəyyənləşdirib.

Qapıya zərbələrdə 38:2, çərçivəyə zərbələrdə isə 26:1 hesabı ilə öndə olan afrikalıların önünü qapıçımız Aytac Şərifova kəsib. 11 qol buraxmasına baxmayaraq gənc qolkiper daha 15 topun qapımızdan keçməməsində pay sahiblərindən olub. Millimiz 17 dəqiqə topa sahib olduğu qarşılaşmanın 73 dəqiqəsini onsuz hərəkət edib.

Azərbaycan		Nigeriya
0	Qol	11
2	Qapıya zərbələr	38
1	Çərçivəyə zərbələr	26
7	Qayda pozuntuları	4
1	Künc zərbələri	14
0	Oyundan kənar vəziyyət	8
1	Sarı vərəqə	0
33	Topa sahib olma (faizlə)	67
17	Topa sahib olma (dəqiqə)	34