17 yaşadək qızlardan ibarət yığmamız dünya çempionatının final mərhələsi çərçivəsində Lənkəran şəhər stadionunda keçirdiyi oyunda tarixə düşdü. Apasport.az saytının məlumatına görə, milimizin Nigeriyaya ilə görüşündə qeydə alınan 0:11 hesabı “Fırtınalar meydanın”da ən böyük darmadağın oldu. Yəni, “Xəzər Lənkəran”ın təmsil etdiyi şəhərdə hələ 1 oyunda 11 qol vurulmamışdı.

“Ağ-yaşıllar” 2006-cı ildə Azərbaycan kubokunun ilk mərhələsində “Göyçə” ilə ev matçında tarixi nəticə qazanmışdı. Onda lənkəranlılar I dəstə təmsilçisini 9:0 hesabı ilə darmadağın etmişdilər. Bu, 2004-cü ilin yayında yaradılan “Xəzər Lənkəran”ın tarixində ən böyük hesablı qələbəsidir.

2006-cı ilin sentyabrın 11-də keçirilən həmin matçda kolumbiyalı hücumçu Xorse Dias etdiyi pokerlə qələbədə əsas pay sahibi oldu. Həmin vaxt kapitan olan Mahmud Qurbanov dubl etmiş, rumıniyalı Robert İlyeş, Rəşad Abdullayevlə Vüqar Nadirov hərəyə 1 qol vurmuşdu.

Nigeriya ilk hissədə 7, fasilədən sonra 4 qol vurdusa, “Xəzər Lənkəran”da bu baxımdan tam fərqli olmuşdu. Belə ki, cənublular fasiləyəcən cəmi 2 qol vurmuşdular. Əvəzində 47-ci dəqiqədə Rəşadla əsası qoyulan darmadağın 88-ci dəqiqədə Diasla yekunlaşmışdı.

Qeyd edək ki, “Fırtınalar meydanı” kimi tanınan Lənkəran şəhər mərkəzi stadionunda bunadək qızlar, habelə əsas və 21 yaşlılardan ibarət yığmamız oynasa da, belə darmadağın olmamışdı.

• “Beşiktaş” onunla bağlı qərarını verdi
• DÇ-2026: Belçika millisinin HEYƏTİ BƏLLİ OLDU
• Mbappe narazıdır: “Komandada dördüncü hücumçu sayılıram”
• "Siti" "Real"la rəqabətdə: RODRİ UĞRUNDA
• Lukaku Türkiyə yolunda