Rusiya yığması 2014-cü il dünya çempionatının seçmə mərhələsində Portuqaliya və Azərbaycan milliləri ilə ev oyunlarına heyəti açıqlayıb. Apasport.az saytının məlumatına görə, rəqibin italiyalı baş məşqçisi Fabio Kapello genişlənmiş heyətdə 36 futbolçuya yer verib. Bunlar arasında əslən Azərbaycandan olan Aleksandr Səmədov da var.

Kapello son vaxtlar adları gündəmdə olan, “Zenit”in əvəzedici komandasına göndərilən İqor Denosovla Aleksandr Kerjakovu çağırdığını təsdiqləyib. Əvəzində “Zenit”in əsas qapıçısı Vladimir Malofeyev gözlənilmədən kənarda qalıb. İtaliyalı çalışdırıcı Andrey Arşavin, Roman Pavlyuçenko, Pavel Poqrebnyak kimi tanınmış hücumçulara dəvət göndərməyərək, elə də iddialı olmayan klublarda oynayan bir sıra debütantları çağırıb. O. son heyəti oktyabrın 1-də açıqlayacaq.

Qapıçılar – İoqr Akinfeyev (MOİK), Vladimir Qabulov (“Anji”), Anton Şunin (“Dinamo”)

Müdafiəçilər – Aleksandr Anyukov, Renat Yanbayev (hər ikisi “Zenit”), Aleksey Berezutski, Vasili Berezutski, Sergey İqnaşeviç, Kirill Nababkin, Georgi Şennikov (hamısı MOİK), Taras Burlak, Andrey Yeşenko (hər ikisi “Lokomotiv”), Vladimir Qranat (“Dinamo”), Yuri Jirkov (“Anji”), Yevgeni Makeyev (“Spartak”)

Yarımmüdafiəçilər – Diniyar Bilyaletdinov, Dmitri Kombarov (hər ikisi “Spartak”), Vladimir Bıstrov, İqor Denisov, Viktor Fayzulin, Roman Şirokov (hamısı “Zenit”), Georgi Qabulov, Oleq Şatov (hər ikisi “Anji”), Denis Qluşakov, Maqomed Ozdeyev, Aleksandr Səmədov, Dmitri Tarasov (hamısı “Lokomotiv”), Alan Dzaqoyev (MOİK), Oleq İvanov, İqor Lebedenko (hər ikisi “Terek”), Vladislav Kulik (“Kuban”), Andrey Ryazantsev (“Rubin”)

Hücumçular – Aleksandr Kokorin (“Dinamo”), Aleksandr Kerjakov (“Zenit”), Artyom Dzyuba (“Spartak”), Maksim Qriqoryev (“Lokomotiv”)

• “Beşiktaş” onunla bağlı qərarını verdi
• DÇ-2026: Belçika millisinin HEYƏTİ BƏLLİ OLDU
• Mbappe narazıdır: “Komandada dördüncü hücumçu sayılıram”
• "Siti" "Real"la rəqabətdə: RODRİ UĞRUNDA
• Lukaku Türkiyə yolunda