Rusiyanın Sankt-Peterburq şəhərində keçirilən UEFA-nın İcraiyyə Komitəsi daha 1 federasiyanın assosiasiyaya üzv qəbul olunmasına qərar verib. Apasport.az saytının məlumatına görə, qurumun 54-cü üzvü Cəbəllütariq olub.

2007-ci ildə Böyük Britaniya koloniyasının xahişini rədd edən UEFA bu dəfə cırtdan ölkəyə “hə deyib. Həmin vaxt 53-cü üzv kimi Çernoqoriya quruma daxil olmuşdu.

30 min əhalisi olan və 6,8 kvadrat km əraziyə malik Cəbəllütariqin UEFA-ya üzvlüyü gələn ilin mayında Londonda baş tutacaq konqresdə rəsmiləşəcək. Artıq AVRO-2016-nın seçmə mərhələsində bu ölkə də iştirak edəcək. Milli federasiyası 1905-ci ildə yaranan Cəbəllütariqin klubları da avrokuboklara qatılacaq. Bu isə o deməkdir ki, çırtdan ölkə komandaları həm yığma, həm klub səviyyəsində Azərbaycan təmsilçilərinin potensial rəqibləri olacaq.

• DÇ-2026: Belçika millisinin HEYƏTİ AÇIQLANDI
• "Fənər"dən Jesuşa sərvət: İllik 15 milyon avro
• "Çelsi" - "Siti" finalı bu kanalda - TV Afişa
• Kapitan "Bavariya"da qaldı - Noyerlə daha 1 il
• "Aston Villa" "Liverpul"u "topa tutdu" - 4-ə yüksəldi