Fabio Kapello Azərbaycanla oyuna 24 futbolçu çağırdı

02.10.2012 - 16:27

Rusiya millisinin 2014-cü il dünya çempionatının seçmə mərhələsində Portuqaliya və Azərbaycanla ev oyunlarına son heyəti açıqlanıb. Apasport.az saytının məlumatına görə, rəqibimizin italiyalı baş məşqçisi Fabio Kapello açıqladığı 36 nəfərlik geniş heyətdən 12 futbolçunu kənarda qoyub.

Bunlar müdafiəçilər Kirill Nababkin, Georgi Şennikov (hər ikisi MOİK), Taras Burlak (“Lokomotiv”), Yuri Jirkov (“Anji”), Yevgeni Makeyev (“Spartak”), yarımmüdafiəçilər Georgi Qabulov, Oleq Şatov (hər ikisi “Anji”), Maqomed Ozdeyev (“Lokomotiv”), Oleq İvanov, İqor Lebedenko (hər ikisi “Terek”), Vladislav Kulik (“Kuban”) və Andrey Ryazantsevdir (“Rubin”).

Bunlar arasında ən təcrübəlisi vaxtilə millimizə qarşı oynamış Jirkovdur. Kapello soydaşımız Aleksandr Səmədovla yanaşı, son vaxtlar “Zenit”in əsas komandasında oynamayan İqor Denisovla Aleksandr Kerjakova da güvənib.

Qapıçılar – İqor Akinfeyev (MOİK), Vladimir Qabulov (“Anji”), Anton Şunin (“Dinamo”)

Müdafiəçilər – Aleksandr Anyukov, Renat Yanbayev (hər ikisi “Zenit”), Aleksey Berezutski, Vasili Berezutski, Sergey İqnaşeviç (hamısı MOİK), Vladimir Qranat (“Dinamo”), Andrey Yeşenko (“Lokomotiv”)

Yarımmüdafiəçilər – Diniyar Bilyaletdinov, Dmitri Kombarov (hər ikisi “Spartak”), Vladimir Bıstrov, İqor Denisov, Viktor Fayzulin, Roman Şirokov (hamısı “Zenit”), Denis Qluşakov, Aleksandr Səmədov, Dmitri Tarasov (hamısı “Lokomotiv”), Alan Dzaqoyev (MOİK)

Hücumçular – Aleksandr Kokorin (“Dinamo”), Aleksandr Kerjakov (“Zenit”), Artyom Dzyuba (“Spartak”), Maksim Qriqoryev (“Lokomotiv”)

Qeyd edək ki, ruslar oktyabrın 12-də Portuqaliyanı, 4 gün sonra Azərbaycanı “Lujniki” stadionunda qəbul edəcək.