Səhvi təsdiqlənən hakimə növbəti təyinat

03.10.2012 - 10:23

Topaz Premyer Liqasının VIII turunun oyunlarını idarə edəcək hakimlər açıqlanıb. Apasport.az saytının məlumatına görə, bu gün start götürən turun ilk 5 qarşılaşmasının ədalət təmsilçiləri müəyyənləşib.

Maraqlıdır ki, ötən turun antiqəhrəmanı olan və səhv edərək göstərdiyi vərəqə də ləğv olunan Rəhim Həsənov yenə iş başında olacaq. Bu dəfə onun səhvlərinin qurbanı olmaq təhlükəsi “Rəvan”la “İnter”dədir. “Turan” – “Xəzər Lənkəran” oyunundakı səhvi AFFA-nın İntizam Komitəsi tərəfindən təsdiqlənən referi bu dəfə paytaxt derbisində fit çalacaq.

03 oktyabr (çərşənbə)

18:30. AZAL – “Xəzər Lənkəran”
Hakimlər: Əliyar Ağayev, Elman Musayev, Rza Məmmədov, Fariz Yusifov
AZAL Arena

04 oktyabr (cümə axşamı)

16:00. “Kəpəz” – “Qarabağ”
Hakimlər: Elçin Məmmədov, Rahil Ramazanov, Nahid Əliyev, İnqilab Məmmədov
Gəncə şəhər stadionu

18:00. “Simurq” – “Sumqayıt”
Hakimlər: Rauf Cabbarov, Ramiz Əsədov, İsgəndər Əliyev, Tahir Əhmədov
Zaqatala şəhər stadionu

16:00. “Bakı” – “Qəbələ”
Hakimlər: Anar Salmanov, Yaşar Abbasov, Mübariz Haşımov, Teymur Fərhadov
“Bakı” FK-nın təlim-məşq bazasının stadionu

19:00. “Rəvan” – “İnter”
Hakimlər: Rəhim Həsənov, Munis Abdullayev, Knyaz Əmiraslanov, Feyzulla Feyzullayev
Bayıl Arena