“İnter”ə böyük hörmət edirik, ancaq ondan çəkinmirik”. Apasport.az saytının məlumatına görə, bu fikirləri “Neftçi”nin vitse-kapitanı Mahir Şükürov deyib.

O, Avroliqanın qrup mərhələsində “İnter”lə ev oyununa qələbə qazanmaq üçün çıxacaqlarını bildirib: “İnter”i yaxşı təhlil etmişik. Ciddi rəqibdir. Ancaq biz qalib gəlmək istəyirik. Evdə oynamağımız bizim üstünlüyümüz olacaq. Qalib gəlib, azarkeşlərimizi, klub prezidentini sevindirmək istəyirik”.

Mahir rəqibin heyətində aparıcı futbolçularının olmamağını üstünlük saymır:“Fikrimcə, “İnter“də zəif futbolçu ola bilməz. Düzdür, Bakıya gəlməyənlər böyük təcrübəsi olan futbolçulardır. Ancaq bizə qarşı oynayacaq futbolçular da səviyyəlidir və bu üzdən bizi asan matç gözləmir“.

• DÇ-2026: Sinqo və Aqbadu HEYƏTDƏ
• DÇ-2026: Belçika millisinin HEYƏTİ AÇIQLANDI
• "Fənər"dən Jesuşa sərvət: İllik 15 milyon avro
• "Çelsi" - "Siti" finalı bu kanalda - TV Afişa
• Kapitan "Bavariya"da qaldı - Noyerlə daha 1 il