“Rusiya - Portuqaliya matçına baxdım. Sizin komandaya azarkeşlik edirdim”. Apasport.az saytının məlumatına görə, bu sözləri Azərbaycanın veteran futbolçusu Kazbek Tuayev deyib.

“Sovetski Sport”a müsahibə verən Tuayev sabah millimizlə oyunda rusiyalılara çətin olacağını bildirib: “Milli komandanızın sərgilədiyi futbol heç xoşuma gəlmədi. Kapellonun əlinin altında necə ustalar olduğunu nəzərə alsaq, belə oynamaq qəbuledilməzdir. Sizin yığma müdafiədən yox, müdafiədə oynadı. Bundan başqa, Ronaldo da sizə yardım etdi. O, Portuqaliya yığmasının oyununu məhv etdi. Onun dünya futbolundakı rolu həddindən artıq şişirdilib. Azərbaycan yığmasında belə futbolçular yoxdu. Buna görə də, Rusiyaya bizimlə matçda daha çətin olacaq”.

Berti Foqtsdan da danışan Tuayev alman məşqçinin rəhbərliyi altında Azərbaycan yığmasının inkişaf etdiyini bildirib: “Foqts Azərbaycana təzə gələndə onu çox tənqid edirdim. O, demək olar ki, ilboyu xaricdə olurdu. Amma indi hər şey dəyişib. Foqts daim Bakıda olur. İctimai həyatda aktiv iştirak edir. Bir sözlə, yanaşmanı dəyişib. Onun gəlişi ilə milli komanda oyunun təşkili baxımından xeyli artırıb”.

• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO
• “Qızıl top”u qazana bilməyən Lamin Yamal: “Mənim də zamanım gələcək”
• İsmail Kartal avtomobil qəzasına düşüb