Baş məşqçisiz yığmamızın Krımsk sınağı

19.10.2012 - 10:54

Sabah 19 yaşadək qızlardan ibarət milli komandalar arasında Avropa çempionatının seçmə mərhələsinə start veriləcək. Apasport.az saytının məlumatına görə, yenidən formalaşan Azərbaycan millisinin mübarizə apardığı IX qrupun qarşılaşmalarına Rusiya ev sahibliyi edəcək.

Bütün oyunları Krımsk şəhərindəki “Qiqant” İdman Kompleksinin meydanlarında baş tutacaq turnirdə millimiz meydan sahibləri ilə yanaşı İsveç və Sloveniya ilə də görüşəcək.

Hələ baş məşqçi təyinatı rəsmiləşməyən və heyəti açıqlanmayan yığmamız ilk oyunda meydan sahibləri ilə qarşılaşacaq. Ardınca son Avropa çempionu İsveçlə üz-üzə gələcək yığmamız yalnzı son turda nisbətən asan rəqiblə qarşılaşacaq.

Qeyd edək ki, hər qrupda ilk 2 yeri tutanlar, həmçinin III yer sahibləri arasında ən yaxşısı növbəti mərhələyə yüksələcək.

20 oktyabr
14:00. İsveç – Sloveniya
Baş hakim: Elia Martines (İspaniya)
Krımsk. “Qiqant” İdman Kompleksi

17:00. Rusiya – Azərbaycan
Baş hakim: Konstantina Mpoumpouri (Yunanıstan)
Krımsk. “Qiqant” İdman Kompleksi

22 oktyabr
14:00. Sloveniya – Rusiya
Baş hakim: Zuzana Kovaçova (Slovakiya)
Krımsk. “Qiqant” İdman Kompleksi

17:00. İsveç – Azərbaycan
Baş hakim: tantina Mpoumpouri (Yunanıstan)
Krımsk. “Qiqant” İdman Kompleksi

25 oktyabr

17:00. Azərbaycan - Sloveniya
Baş hakim: Zuzana Kovaçova (Slovakiya)
Krımsk. “Qiqant” İdman Kompleksi

17:00. Rusiya – İsveç
Baş hakim: Elia Martines (İspaniya)
Krımsk. “Qiqant” İdman Kompleksi