Azərbaycanlı futbolçular üçün Alma

19.10.2012 - 11:44

19 yaşadək qızlardan ibarət Azərbaycan milli komandasının rəqibi olan Sloveniya yığmasının heyəti açıqlanıb. Apasport.az saytının məlumatına görə, Avropa çempionatının seçmə mərhələsinin Rusiyadakı oyunlarına balkanlılar 18 nəfərlik heyətlə yollanıb.

Baş məşqçi Petra Mikeln Krımsk şəhərində təşkil olunan yarışa Avstriya və Xorvatiyada çıxış edən legionerləri də cəlb edib: Yeva Vamberqer (“Yevnitsa”), Damiyana Antolin (“Zrinski”, Xorvatiya), Kristina Redensek (“Krka”), Mariya Moya Ruprext, Anisa Rola, Karmen Ulbin, Neja Urşiç (hamısı “Maribor”), Jasmina Şkaliç (“Sent Veyt”, Avstriya), Petra Klemençiç, Anya Prşa (“Pomurye”), Pamela Begiç, Barbara Kralj, Urska Muroveç (“Radomlye”), Alma Pijukoviç, Zala Qomboç, Maruşa Sevşek (hamısı “Rudar”), Kaja Erzen, Vanya Şilyak (hər ikisi “Velesovo”).

Qeyd edək ki, yığmamız Sloveniya ilə sabah start götürən turnirin son turunda – oktyabrın 25-də qarşılaşacaq.