“Neftçi” – “Partizan” matçının baş hakimi müəyyənləşdi

19.11.2012 - 14:37

“Neftçi” klubunun futbol üzrə Avropa Liqasında Serbiya “Partizan”ı ilə Bakıda keçirəcəyi oyunun hakimləri müəyyənləşib. Apasport.az saytının məlumatına görə, qarşılaşmanı uelsli referi Saymon Li Evans idarə edəcək.

37 yaşlı ədalət təmsilçisi 2007-ci ildən beynəlxalq oyunlara təyinat alır. O, 2010-cu ildən 1-ci kateqoriyalı hakimlər sırasına daxil edilib. Noyabrın 22-də Tofiq Bəhramov adına Respublika stadionunda keçiriləcək “Neftçi” – “Partizan” matçında Evansa həmyerliləri kömək edəcək.

22 noyabr
21:00. "Neftçi" - "Partizan" (Serbiya)
Baş hakim: Simon Lee Evans
Baş hakimin köməkçiləri: Edward King, Philip Thomas
Dördüncü hakim: Alun Boore
Baş hakimin əlavə köməkçiləri: Mark Steven Whitby, Bryn Markham-Jones
(Hakimlər briqadası Uelsdəndir)
Hakim-inspektor: Rudolf Zavrl (Sloveniya)
UEFA nümayəndəsi: Günter Benkö (Avstriya)
Bakı. Tofiq Bəhramov adına Respublika stadionu