“Komandam oynamaq və əzmkarlıq göstərmək istəyirdi”

24.11.2012 - 17:23

“Komandamın oyunu xoşuma gəldi. İlk dəqiqələrdən oyunu ələ almağa çalışdıq, 11 metrlik cərimə zərbəsi qazandıq”. Apasport.az saytının məlumatına görə, bu sözləri “Xəzər Lənkəran” klubunun baş məşqçisi Karles Bakes deyib.

İspaniyalı mütəxəssis Topaz Premyer Liqasının XIV turunun “Kəpəz”lə səfər oyunundakı 1:0 hesablı qələbədən razı qalıb: “Qol vurduq və oyunun sonuna kimi hesabı qoruya bildik. Komandam oynamaq və əzmkarlıq göstərmək istəyirdi. “Xəzər Lənkəran” azarkeşlərini və komandamı qələbə münasibəti ilə təbrik edirəm”.

Mənbə: pfl.az