“Xəzər Lənkəran” uduzmadığı məkanda

07.12.2012 - 15:17

Bu həftə start götürən Topaz Premyer Liqasının XVI turu bazar ertəsi başa çatacaq. Apasport.az saytının məlumatına görə, turun dekabrın 10-da baş tutacaq son oyun günündə “Xəzər Lənkəran” da meydana çıxacaq. Lənkəran təmsilçisi səfərdə “Simurq”un qonağı olacaq. Zaqatalada baş tutacaq qarşılaşma komandalar arasında 14-cü duel olacaq.

İndiyədək rəqiblər arasında 13 matç baş tutub. Bu matçların hamısı ölkə çempionatları çərçivəsində olub. 2006-cı ildə Zaqatalada baş tutan ilk oyunla başlayan rəqabət “Xəzər Lənkəran”ın aşkar üstünlüyü ilə keçir.

Belə ki, 13 matçdan 8-də məhz “ağ-yaşıllar” qalib gəlib. Cəmi 4 heç-heçə ilə təsəlli tapan “Simurq” yeganə qələbəsini cari mövsümdə qazanıb. Bu matçlardakı top fərqi də “Xəzər Lənkəran”ın böyük üstünlüyünü göstərir - 21:11.

Yeganə məğlubiyyətini Bakıda baş tutan ev matçında alan cənublular səfərdə yenilməzdir. 7-ci Zaqatala səfərinə qədər baş tutan 6 qarşılaşmada 3 heç-heçə qeydə alınıbsa, 3 dəfə də “Xəzər Lənkəran” qalib gəlib. Səfərdəki bütün oyunlarda qol vuran komanda yalnız ilk 2 Zaqatala matçında 1 qolla kifayətlənib. Rəqib meydanındakı son 4 matçda 2 dəfə fərqlənən “ağ-yaşıllar” “Simurq”un meydanında 10 qol vuraraq 6 top buraxıb.

2006/07	21.08.2006	çempionat	s	1:0
2006/07	21.02.2007	çempionat	e	1:1
2007/08	02.12.2007	çempionat	e	2:1
2007/08	28.05.2008	çempionat	s	1:1
2008/09	29.11.2008	çempionat	s	2:2
2008/09	16.05.2009	çempionat	e	3:1
2009/10	23.10.2009	çempionat	e	3:0
2009/10	09.02.2010	çempionat	s	2:1
2010/11	15.08.2010	çempionat	s	2:0
2010/11	13.11.2010	çempionat	e	1:0
2011/12	16.10.2011	çempionat	e	1:0
2011/12	25.11.2011	çempionat	s	2:2
2012/13	20.09.2012	çempionat	e	0:2