“Cim-Bom” yenidən liderliyə yüksəldi

08.12.2012 - 23:43

Türkiyə Superliqasında 15-ci turun növbəti oyunları keçirilib. Apasport.az saytının məlumatına görə, turun ikinci matç günündə 4 qarşılaşma reallaşıb.

“Kasımpaşa” doğma meydanda “Gənclərbirliyi” ilə münasibətlərinə aydınlıq gətirib. Hərəyə 2 dəfə fərqlənən tərəflər xalları yarı bölüb. “Karabükspor” səfərdə “Qaziantepspor”u, “Bursaspor” isə evində “Orduspor” üstələməyi bacarıb.

Günün maraqlı qarşılaşması isə Sivasda baş tutub. Burada çərşəmbə günü Çempionlar Liqasının qrup mərhələsində səfərdə “Braqa”nı məğlub edib növbəti mərhələyə keçən “Qalatasaray”la, “Sivasspor” üz-üzə gəlib. Maraqlı keçən oyunda Fatih Terimin yetirmələri inamlı qələbə qazanaraq, 1 gündən sonra yenidən liderliyinə yüksəlib.

Qeyd edək ki, 15-ci tura sabah keçirilən 3 oyunla yekun vurulacaq.

Türkiyə Superliqası 15-ci tur

7 dekabr

“Beşiktaş” – “Eskişehirspor” – 2:2
Holoşko, 6, Almeyda, 65 – N.Ateş, 83-pen, Nuhiu, 90

“Elazığspor” – “Mersin İdmanyurdu” – 1:0
S.Kaloğlu, 66

8 dekabr

“Kasımpaşa” – “Gənclərbirliyi” 2:2
Uçe, 56, Y.Ayhan, 90 - J.Durmaz, 49, Lekiç, 58

“Qaziantepspor” – “Karabükspor” 0:2
Tçani, 4, LuaLua, 16

“Bursaspor” – “Orduspor” 1:0
Şestak, 89

“Sivasspor” – “Qalatasaray” 1:3
E.Kılıç, 19 - U.Bulut, 1; 57, B.Yılmaz, 35

9 dekabr

18:00. “Trabzonspor” – “Kayserispor”
21:00. “Akhisar BS” – “Antalyaspor”
21:00. “Fənərbaxça” – “İstanbul BB”