“Cim-Bom” azarkeşlərini üzdü

12.12.2012 - 00:58

Türkiyə kubokunda 1/8 final mərhələsinin oyunları keçirilib. Apasport.az saytının məlumatına görə, bir görüşdən ibarət bu mərhələnin ilk matç günündə 4 qarşılaşma baş tutub.

Səfərdə “Altay”ın qonağı olan “Bursaspor” rəqibini 2 iki cavabsız qolla məğlub edərək növbəti mərhələ adlayıb.

“Qaziantepspor” - “Sivasspor” görüşünün əsas vaxtına qədər tablodakı sıfırlar dəyişməyib. Lakin oyuna əlavə edilmiş dəqiqələrdə isə Pedriyel qonaqlara qələbə qazandıran qolu vurub – 0:1.

Öz meydanında “Karabükspor”u qəbul edən “Əskişəhərspor” rəqibi top atəşinə tutub.

Günün ən böyük sensasiyası isə “Qalatasaray”ın kubokla erkən vidalaşması olub. Belə ki, “Cim-Bom” “Türk Telekom Arena”da “1461 Trabzon”la qarşılaşıb və qonaqlar görüşdən 1:2 hesablı qalibiyyətlə ayrılıb.

Qeyd edək ki, Türkiyə kubokunun digər oyunları bu gün və sabah keçiriləcək.

Türkiyə kuboku

1/8 final

11 dekabr

“Altay” – “Bursaspor” – 0:2
A. N´Diaye, 81, P.M. Batalla, 90

“Qaziantepspor” – “Sivasspor” – 0:1
Pedriyel, 101

“Əskişəhərspor” – “Karabükspor” – 5:1
E.Zəngin, 3, 50, B.Əsər, 13, 53, N.Ateş, 45 – F.Cernat, 78

“Qalatasaray” – “1461 Trabzon” – 1:2
E.Çolak, 77 – S.Kaya, 31-pen, E.Kokoc, 70

12 dekabr

17:30. “Gənclrbirliyi” – “Mersin İdmanyurdu”
20:00. “Antalyaspor” – “Beşiktaş”
22:30. “Fənərbaxça” – “Göztəpə”

13 dekabr

22:00. “Kasımpaşa” – “Trabzonspor”