“Komanda ölkə xaricindəki təlim-məşq toplanışını digər klublarımız kimi Türkiyədə keçirəcək. Antalyadakı hazırlıqlarımız yanvarın 10-dan fevralın 1-dək müddəti əhatə edəcək. Ancaq hələ hansı oteldə qalacağımız dəqiqləşməyib. Orda 2-3 yoxlama oyunu keçirmək planlaşdırılıb”. Bunu apasport.az saytına açıqlamasında “Simurq”un icraçı direktoru Vaqif Əliyev deyib.

Hazırda çempionatın şərikli liderlərindən olan “Simurq”u 2-3 futbolçu tərk edə bilər. Böyük ehtimalla, bunlar serbiyalı hücumçu Nenad Stoyanoviçlə braziliyalı müdafiəçi Anderson olacaq.

Ancaq Əliyev hələ ki gedəcək futbolçuların adlarının dəqiqləşmədiyini bildirdi: “Bizdə futbolçuların komandadan getməsinə dair qərarı baş məşqçi verir. Bu üzdən mən ad çəksəm, sonra həmin futbolçular komandada qalsa, yalançı çıxmış olaram. Buna növbəti 2 tur başa çatdıqdan sonra aydınlıq gələcək”.

Səbuhi TOFİQOĞLU

• “Siti”nin futbolçusu Bundesliqaya qayıda bilər
• Endirk “Lion”la vidalaşdı
• “Flamenqo”nun futbolçusu “Fənərbaxça”nın hədəfində
• Avropa Liqasının finalı bu kanalda - TV AFİŞA
• “Qalatasaray” Kamavinqa üçün hərəkətə keçdi