“Kəpəz” Topa Premyer Liqasının XVII turu çərçivəsində “İnter”lə qarşılaşmaya itkilərlə çıxacaq. Apasport.az saytının məlumatına görə, Gəncə klubu 2 futbolçunun xidmətindən məhrum olub.

Belə ki, komandanın kapitanı Azər Məmmədov sarı vərəqə limiti üzündən cəzalı olduğu üçün “bankirlər”ə qarşı forma geyinə bilməyəcək.

Digər futbolçu isə “Kəpəz”in gənc üzvü Atin Abdullayevdir. O, məşqdə diz oynağından zədələnib. Daha sonra müayinə zamanı Abdullayevin zədəsinin ciddi olmadığı məlum olub. Lakin Atin, bu oyunda komandasına kömək edə bilməsə də, gələn həftənin əvvəlindən məşqlərə qoşulacaq.

Qeyd edək ki, “Kəpəz” – “İnter” qarşılaşması bu gün saat 14:00-da start verəcək.

• Kadıoğlu ilin oyunçusu seçildi - PREMYER LİQA KLUBUNDA
• “Siti”nin futbolçusu Bundesliqaya qayıda bilər
• Endirk “Lion”la vidalaşdı
• “Flamenqo”nun futbolçusu “Fənərbaxça”nın hədəfində
• Avropa Liqasının finalı bu kanalda - TV AFİŞA