Özkara üçün yeni şans

15.12.2012 - 06:19

Azərbaycan milli komandasının hücumçusu Cihan Özkaranın çıxış etdiyi “Ərciyəsspor” bu gün Türkiyə PTT Birinci Liqasının 16-cü turu çərçivəsində növbəti 3 xalını qazana bilər. Apasport.az saytının məlumatına görə, təmsilçimizin komandası doğma publika önündə “Manisaspor”la üz-üzə gələcək.

Ötən tur “Karşıyaka” ilə qarşılaşmada meydana çıxa bilməyən Özkaranın, bu dəfə forma geyinib-geyinməyəcəyi maraqla gözlənilir.

Qeyd edək ki, “Ərciyəsspor” 30 xalla turnir cədvəlinin vahid lideridir. “Manisaspor” isə 25 xalla 4-cü pillədə qərarlaşıb.

Türkiyə PTT birinci liqası

16-cı tur

15 dekabr

22:00. “Ərciyəsspor” – “Manisaspor”