Topaz Premyer Liqasının XVII turu “Xəzər Lənkəran” üçün əlamətdar hadisə ilə tarixə düşüb. Apasport.az-ın klubun rəsmi saytına istinadən məlumatına görə, “Neftçi”ni qəbul edən komanda Azərbaycan çempionatında yubiley – 250-ci matçını keçirib.

2004/05 mövsümündə ölkə çempionatında debüt edən “Xəzər Lənkəran” tarixinin ilk rəsmi matçını 2004-cü il avqustun 7-də “Turan”a qarşı keçirib. “Neftçi” ilə “Böyük oyun”a kimi 249 matça çıxan Lənkəran təmsilçisi azarkeşləri önündə qeyd etdiyi yubileyində qələbə qazanıb – 2:1.

Tarixi baxımdan 6-cı əlamətdar qarşılaşmaya çıxan “Xəzər Lənkəran” bu matçlarda “səfərdə heç-heçə, evdə qələbə” prinsipinə davam etdirdi. 100-cü və 200-cü oyunlarını evdə qələbə ilə qeyd edən komanda 250-ci matçda da 3 xala sevinib.

1	2004/05	07.08.2004	Turan (Tovuz)	s	1:1
50	2005/06	17.02.2006	Bakı (Bakı)	s	1:1
100	2007/08	23.02.2008	Masallı (Masallı)	e	4:1
150	2009/10	06.12.2009	İnter (Bakı)	s	1:1
200	2010/11	13.05.2011	Bakı (Bakı)	e	2:0
250	2012/13	14.12.2012	Neftçi (Bakı)	e	2:1

Qeyd edək ki, 250 oyunda 133 qələbə qazanan “Xəzər Lənkəran” 72 heç-heçə edib və 45 dəfə uduzub. Bu matçlardakı top fərqi 382-172-dir ki, 2004/05 mövsümünün “Şəfa” ilə oyunundakı texniki qələbə (3:0) top fərqinə salınmayıb. Komanda 250 qarşılaşmadan 124-nü evdə, 125-ni səfərdə, 1-ni isə neytral meydanda keçirib. “Ağ-yaşıllar” 8 il ərzində 26 rəqiblə üz-üzə gəlib.

• Kadıoğlu ilin oyunçusu seçildi - PREMYER LİQA KLUBUNDA
• “Siti”nin futbolçusu Bundesliqaya qayıda bilər
• Endirk “Lion”la vidalaşdı
• “Flamenqo”nun futbolçusu “Fənərbaxça”nın hədəfində
• Avropa Liqasının finalı bu kanalda - TV AFİŞA