“Fənərbaxça” evində biabır oldu

22.12.2012 - 23:58

Türkiyə Superliqasında 17-ci tura start verilib. Apasport.az saytının məlumatına görə, turun ikinci günündə iki qarşılaşma baş tutub.

“İstanbul” BB səfərdə “Kasımpaşa” ilə üz-üzə gəlib. Görüş qonaqların 0:2 hesablı qələbəsi ilə yekunlaşıb.

Turun sensasiyalı hesabı “Fənərbaxça” – “Karabükspor” matçında qeydə alınıb. Belə ki, “Şükrü Səracoğlu” stadionunda “sarı-bülbüllər” yerli azarkeşlərini məyus edib.

İlk dəqiqələrdən hücuma atılan “Karabükspor” fasiləyə qədər meydan sahiblərini iki dəfə mərkəzdən başlamağa məcbur edib. İkinci yarda qonaqlar daha bir dəfə fərqlənib. “Fənərbaxça” isə bu toplardan yalnız birinin əvəzini çıxmağı bacarıb – 1:3.

Qeyd edək ki, Türkiyə Superliqasının 17-ci turna sabah yekun vurulacaq.

Türkiyə Superliqası

17-ci tur

21 dekabr

“Beşiktaş” – “Kayserispor” 3:1
Holosko, 42, Sivok, 45, Şahan, 50 - Mouç

“Akhisar BS” - ”Orduspor” 0:0

22 dekabr

“Kasımpaşa” – “İstanbul” BB 0:2
Vebo, 48-pen, Holmen, 69

“Fənərbaxça” – “Karabükspor” 1:3
Kuyt, 75 – Parlak, 38, Lualua, 41; 69

23 dekabr

“Sivasspor” – “Elazığspor”
“Qaziantepspor” – “Mersin İdmanyurdu”
“Bursaspor” – “Gənçlərbirliyi”
“Antalyaspor” - “Əskişəhərspor”
“Trabzonspor” - “Qalatasaray”