Cavid Hüseynovun karyerasına sabah aydınlıq gələcək

25.12.2012 - 12:51

Bazar günü evdə “Samsunspor”un müqavimətini qıra bilməyən (0:0) “Adana Dəmirspor”da Cavid Hüseynovun taleyinə sabah aydınlıq gələcək. Apasport.az saytının məlumatına görə, bu məsələnin ləngimə səbəbi baş məşqçi Mustafa Uğurla bağlıdır.

Belə ki, çalışdırıcı özəl işləri ilə bağlı Adananı tərk edərək Kayseriyə gedib. O, Adanaya sabah gələcək. Məhz Uğur həmin gün klub rəhbərliyinə raport təqdim edəcək. Burda komandaya lazım olmayan futbolçuların siyahısı yer alacaq. Həmçinin edilməsi lazım olan yeni transferlərin adı da rəhbərliyə bildiriləcək. Son məlumata görə, “Adana Dəmirspor” 4 futbolçu transfer etməyi planlaşdırır.