“İnter”in hücumçusu Dieqo Milito komandası və gələcək karyerası haqqında açıqlama verib. Apasport.az saytının məlumatına görə, argentinalı futbolçu bu mövsümü gözlədiklərindən daha yaxşı keçdiyini bildirib.

Həmçinin Milito bu il İtaliya çempionatındakı hədəflərini də vurğulayıb:

“2012-ci ildə komandam üçün əlimdən gələn hər şeyi etdim. Gələn ildə bu belə davam edəcək. İndi “İnter” üçün özümü önəmli futbolçulardan birisi hesab edirəm. Çempionatdakı rəqiblərimizə gəldik də isə “Yuventus” bu il çox güclüdür. Onlara qarşı daha yaxşı mübarizə etmək lazımdır. Komandamın bu ilki hədəfi isə mövsümü üçüncülüklə bitirməkdir. Karyerama gəldikdə isə futbolla vətənimdə vidalaşacağam. Argentinaya qayıdana qədər isə “İnter”in uğurları üçün çalışacağam”.

Qeyd edək ki, Dieqo Milito 2009-cu ildən “İnter”də çıxış edir. Bu illər ərzində forvard 109 oyunda meydana çıxıb və 59 qola imza atıb.

• “Arsenal”dan 87 milyonluq transfer
• Messiyə ağır itki - Atası vəfat etdi
• Simeone: “Alvares bizim üçün çox vacibdir”
• “Liverpul” “Barselona”nın müdafiəçisini icarəyə götürür
• Yaponiya millisinin üzvü “Kristal Pelas”da