Sebastyan Mila: Heç kimə lazım olmasam, Azərbaycana gedəcəm

28.12.2012 - 12:27

“Azərbaycan klubundan təklif almağım düzdür”. Apasport.az saytının məlumatına görə, bu sözləri Polşa millisinin sabiq futbolçusu Sebastyan Mila deyib.

Ölkə çempionu “Şlensk”in kapitanı maddi məsələlərdə komandası ilə razılaşmadığından klubunu tərk edir. Onun müştəriləri arasında Azərbaycan çempionu “Neftçi”nin olduğu, hətta bakılıların Milaya 450 min avro təklif etdiyi bildirilir.

Mila bu təklifi qəbul etməyə hazır olduğunu açıqlayıb: “Hələlik yanvarı, “transfer pəncərəsi”nin açılmasını gözləyirəm. Başqa təkliflər olsa, qəbul edəcəyəm. Lakin heç bir komandaya lazım olmayacağım halda, Azərbaycana gedəcəyəm”.