Kemal Alispahiç kompensasiya istəyir

28.12.2012 - 14:42

Kemal Alispahiçlə “Rəvan”ın müqavilə məsələlərinə yanvarda aydınlıq gələcək. Apasport.az saytının məlumatına görə, bosniyalı məşqçi çalışdırdığı sabiq komandasından kompensasiya tələb edir. Ancaq ilin əvvəllərində rəhbərlik bu məsələni yoluna qoymağı düşünür.

Qeyd edək ki, Alispahiç “Rəvan” dekabrın 20-də “Simurq”a 0:1 hesabı ilə uduzduqdan sonra istefaya göndərilib. Çalışdırıcı əvəzetmə zamanı limit məsələsini pozduğundan, sonradan AFFA İntizam Komitəsinin qərarı ilə paytaxt klubuna texniki məğlubiyyət verilib.