“Droqba meydanda canavar kimi güclüdür”

30.12.2012 - 01:15

İtaliyalı mütəxəssis Marçelo Lippi “Milan”ın hücum xəttindəki yaranan problemi hansı futbolçu ilə həll oluna biləcəyi haqda açıqlama verib. Apasport.az saytının İtaliya mətbuatına istinad məlumatına görə, 64 yaşlı çalışdırıcı sözügedən komandaya yalnız Didye Droqbanın lazım olduğunu vurğulayıb.

Hazırda Çinin “Quançjou Everqrand” klubunda işləyən Lippi Kot d’İvuar milli komandasının üzvünü meydanda “canavar” kimi güclü olduğunu bildirib:

“Pato və Robinyo “Milan”dan ayrılarsa, gərək klubun rəhbərliyi Droqbanı transfer etmək üçün bütün imkanlarını səfərbər etməlidir. Çünki Didye meydanda “canavar” kimi güclü olduğunu göstərir. Mən onun Əl-Şəravi ilə birgə hücumda yaxşı çıxış edəcəyini düşünürəm”.

Qeyd edək ki, Marçelo Lippi 2006-cı ildə İtaliya yığmasını ilə dünya çempionu olub.