Azərbaycan milli komandasının 2014-cü il dünya çempionatının seçmə mərhələsində rəqibi olan Rusiya yığmasının üzvlərini daşıyan təyyarə qəzaya uğrayıb. Apasport.az saytının məlumatına görə, “Tu-204” təyyarəsi uçuş zolağından çıxaraq Kiyev şosesinə çıxıb və yanıb. Nəticədə 4 nəfər həlak olub.

Rusiya Futbol İttifaqının mətbuat xidmətinin sabiq rəhbəri Andrey Malosolov həmin təyyarə ilə 3 il öncə milli komandamızla Bakıda 1:1 hesabı ilə nəticələnən oyuna yollandıqlarını bildirib: “Tu-204” təyyarəsi Vnukovo hava limanında qəzaya uğrayıb. O, futbol Rusiya yığmasını dəfələrlə aparıb. 2009-cu ildə məhz bu təyyarə ilə millimiz Qus Hiddinkin rəhbərliyi altında Bakıya Azərbaycan yığması ilə rəsmi oyuna yollanmışdı. Onda komanda ilə mən də, Rusiya Futbol İttifaqının mətbuat xidmətinin rəhbəri kimi yollanmışdım”.

• Zaniolo A Seriyasında qalacaq
• Super Liqa klubunda yeni müqavilə - RƏSMİ
• “Qalatasaray”da ayrılıq siqnalı: Prezident söz verdi
• İspaniya millisinin üzvü "Vilyareal"dan ayrılacaq - RƏSMİ
• Günün oyunları bu kanallarda - TV AFİŞA