19 yaşadək futbolçulardan ibarət Azərbaycan yığmasının Sankt-Peterburqda keçiriləcək Valentin Qranatkinin ənənəvi xatirə turniri üçün heyəti açıqlanıb. Apasport.az saytının məlumatına görə, Arif Əsədov 1995-ci ilədək olan 20 futbolçunu Rusiyaya aparacaq.

Bunların arasında Rusiya və Türkiyə klublarında çıxış edən 4 legioner var: Eyyub Əliyev (Simurq), Polad Mirzəzadə (Lokomotiv), Elməddin Məmmədov (AZAL), Namiq Ələsgərov (Bakı), Kamran Abdullazadə (Xəzər Lənkəran), Sadiq Quliyev, Şirməmməd Məmmədov, Hümbət Cəfərov (hər üçü “Qəbələ”), Şamil Camaləddinov, Orxan Əliyev, Ruslan Nəsirli (hər üçü “Sumqayıt”), Adil Nağıyev, Coşqun Diniyev (hər ikisi “İnter”), Budaq Nəsirov (Turan), Kənan Manafov (Neftçi), Tural Rzayev (Qarabağ), Elvin Bədəlov (“Zenit”, Rusiya), David Qarayev (“Qupkin”, Rusiya), Vəkil Talıbov (“Antalyaspor”, Türkiyə), Seyran Məmmədov (“Krılya Sovetov”, Rusiya).

Qeyd edək ki, sözügedən turnir yanvarın 5-dən 13-dək keçiriləcək. A qrupunda yer alan yığmamızın rəqibləri Ukrayna, Çexiya və Litvadır.

• Zaniolo A Seriyasında qalacaq
• Super Liqa klubunda yeni müqavilə - RƏSMİ
• “Qalatasaray”da ayrılıq siqnalı: Prezident söz verdi
• İspaniya millisinin üzvü "Vilyareal"dan ayrılacaq - RƏSMİ
• Günün oyunları bu kanallarda - TV AFİŞA