Aykut Kocamanın istefasının səbəbləri

05.01.2013 - 02:24

Türkiyə Superliqasının 17-ci turunda evində “Karabükspor”a 1:3 hesablı məğlubiyyətdən sonra istefa verən Aykut Kocaman bunun səbəblərinə aydınlıq gətirib. Apasport.az saytının məlumatına görə, 47 yaşlı mütəxəssis istefasına toplanan 27 xal və yetirmələrinə günahsız cəzaların verilməsi səbəb olduğunu vurğulayıb:

“İstefamın əsas iki səbəbi var. Birincisi ilk dövrədə 27 xal topladıq. Bunu heç kəsə başa sala bilməzdim. Digər səbəb isə futbolçularıma verilən günahsız cəzalarıdır. Bunlar komandanın oyununa pis təsir edirdi. Kimsə məsuliyyəti öz üzərinə götürməli idi. Bunu da mən etdim və istefa vermək qərarına gəldim".