Mançini Balotellini müdafiə etdi

05.01.2013 - 23:23

Bildiyiniz kimi Roberto Mançini futbol dünyasında geniş əks-səda oyandıran fotoşəkillərin mətbuata əks olunması sonrası, Mario Balotelliyə cəza verməyib. Apasport.az saytının məlumatına görə, italiyalı çalışdırıcının bu hərəkəti “Mançester Siti” azarkeşlərinin narazılığına səbəb olub. Bununla bağlı Mançini açıqlama verib.

O, hücumçusunu müdafiə etdiyini bildirib:

"Klub rəhbərliyi də eyni mənim kimi, Balotellinin bir gün düzələcəyini ümid edir. O, hələ çox gənc olduğu üçün belə hərəkət edir. Zamanın nə qədər tez keçdiyini isə karyerası başa çatandan sonra anlayacaq. Buna görə, Mario artıq öz hərəkətlərinə fikir verməlidir".