“Milan”ın baş məşqçisi Massimiliano Alleqri komandasından ayrılacağı gündəmə gələn Robinyo və Kevin-Prins Boatenq haqda açıqlama verib. Apasport.az saytının məlumatına görə, 45 yaşlı çalışdırıcı sözügedən futbolçuların Minan təmsilçisindən ayrılmayacağını bildirib.

O, hər iki yetirməsinin mövsümün sonuna qədər komandada qalacağını ifadə edib:

“Robinyo “Santos”a keçməyə yaxın idi. Lakin onun transfer danışıqları yarımçıq qaldı. Braziliyalı hücumçu mövsümün sonuna qədər bizimlə qalacaq. Boatenqə gəlincə isə o, ötən gün irqçiliklə bağlı yaranan hadisədən çox məyus oldu. Hazırda qanalı yarımmüdafiəçinin vəziyyəti yaxşıdır və heç bir problem yoxdur. Kevin-Prins mövsümün ikinci yarısında da əlindən gələni komandası üçün əsirgəməyəcək. Mən buna əminəm”.

• "Benfika" Mourinyonun əvəzedicisini tapdı
• Zaniolo A Seriyasında qalacaq
• Super Liqa klubunda yeni müqavilə - RƏSMİ
• “Qalatasaray”da ayrılıq siqnalı: Prezident söz verdi
• İspaniya millisinin üzvü "Vilyareal"dan ayrılacaq - RƏSMİ