“Atletiko”nun sabiq futbolçusu “Deportivo”da

08.01.2013 - 06:57

Mövsümün əvvəlində Madrid “Atletiko”sundan “San-Polo”ya transfer olunan Paulo Assunçao yenidən İspaniyaya qayıdıb. Apasport.az-ın məlumatına görə, 32 yaşlı futbolçu “Deportivo” ilə anlaşıb. Bu xəbəri sözügedən komandanın internet saytı da təsdiqləyib.

Artıq yarımmüdafiəçi tibbi müayinədən keçib və klubla müqavilə imzalayıb.

Qeyd edək ki, Paulo 2008-ci ildə “Atletiko”ya “Porto”dan transfer olunub. O, Madrid təmsilçisinin heyətində 2 dəfə Avropa Liqasını qazanıb.