Rumıniyanın “Petrolul” klubunun Antalyada keçirəcəyi hazırlıq planlarına aydınlıq gəlib. Apasport.az saytının məlumatına görə, Ployeşti klubu iki mərhələli hazırlıq keçəcək.

Yanvarın 22-dən fevralın 3-dək Laradakı “Miracle Resort” otelində qalacaq rumınlar bu müddətdə 4 yoxlama oyunu keçirəcək. Bunlardan ikisində rəqiblərin kimliyi müəyyənləşib. Yanvarın 26-da Xorvatiyanın “Slaven Belupo” klubu ilə qarşılaşacaq “Petrolul” həmin ayın son günündə “Simurq”la üz-üzə gələcək.

Qeyd edək ki, “Petrolul”un ikinci hazırlıq mərhələsi fevralın 6-dan 18-dək müddəti əhatə edəcək. Bələkdəki “Sueno Hotel”də qalacaq komandanın “Maribor”, “Liteks” və Serbiyanın “Styaua Roşye” klubu ilə gücünü sınayacağı dəqiqləşib.

• "Benfika" Mourinyonun əvəzedicisini tapdı
• Zaniolo A Seriyasında qalacaq
• Super Liqa klubunda yeni müqavilə - RƏSMİ
• “Qalatasaray”da ayrılıq siqnalı: Prezident söz verdi
• İspaniya millisinin üzvü "Vilyareal"dan ayrılacaq - RƏSMİ