Afrika Millətlər Kubokunda növbəti heç-heçə

25.01.2013 - 02:43

Afrika Millətlər Kubokunun altıncı oyun günündə qarşılaşmalara yekun vurulub. Apasport.az saytının məlumatına görə, CAR-da təşkil edilən qitə birinciliyinin B qrupu çərçivəsində Niger milli komandası ilə Konqo Demokratik Respublikası üz-üzə gəlib.

Matç qolsuz heç-heçə ilə başa çatıb – 0:0.

Qeyd edək ki, qrupun digər görüşündə Qana yığması Mali millisi ilə münasibətlərinə aydınlıq gətirib. Qarşılaşmanı Qana milli komandası 1:0 hesabı ilə xeyrinə tamamlayıb. Bu oyunlardan sonra B qrupuna 4 xalla Qana başçılıq edir. 3 xala malik olan Mali ikinci pillədə qərarlaşıb. 2 xalla Konqo Demokratik Respublikası 3-cü, 1 xalla Niger isə sonuncudur.

Bu gün isə - çempionatın yeddinci günündə C qrupunun iştirakçıları meydana çıxacaq. Zambiya Nigeriya ilə Burkina-Faso isə Efiopiya ilə qarşılaşacaq.

Afrika Millətlər Kuboku

B qrupu

24 yanvar

Qana – Mali 1:0
Vakaso, 38-pen

Niger – Konqo 0:0