“Nyukasl” fransalı futbolçusu ilə anlaşdı

25.01.2013 - 06:55

İngiltərə Premyer Liqasının təmsilçisi “Nyukasl” heyətini fransalı futbolçu ilə gücləndirib. Apasport.az saytının məlumatına görə, “sağsağanlar” “Bordo”nun yarımmüdafiəçisi Yoan Quffranı transfer edib.

İngilis klubu 26 yaşlı futbolçu ilə 4 illik müqavilə imzalayıb. O, komandada 11 nömrəli formada çıxış edəcək. “Nyukasl” Quffran üçün “Bordo”ya təzminat haqqı olaraq 3 milyon funt-sterlinq ödəyib.

Qeyd edək ki, 2008-ci ildən “Bordo”da oynayan Yoan Quffran bu mövsüm Fransa klubunun heyətində 27 matçda meydana çıxıb və 12 qola imza atıb.