“İnter” “Antalyaspor”la heç-heçə etdi

25.01.2013 - 16:32

Türkiyədə təlim-məşq toplanışında olan “İnter”in U-17 komandası ilk yoxlama matçını keçirib. Apasport.az saytının məlumatına görə, oyunda Arif Əmirxanovun yetirmələri “Antalyaspor”lu həmyaşıdları ilə qarşılaşıblar. Matç 0:0 hesabı ilə başa çatıb.

Qeyd edək ki, “İnter” “Hadrianus” oteldə qalır. Plana uyğun olaraq komanda gün ərzində iki dəfə məşq edir. “Bankirlər”in növbəti rəqibi isə Gürcüstanın “Olimpik”(Tiflis) klubu olacaq. Bu qarşılaşma yanvarın 28-də baş tutacaq.