Rusiyanın “Rubin” komandasının futbolçusu Salvatore Boketti Moskva “Spartak”ına keçib. Lent.az-ın Kazan klubunun rəsmi saytına istinadən verdiyi məlumata görə, 27 yaşlı mərkəz müdafiəçisi gələn həftə tibbi müayinədən keçərək, “qırmızı-ağlar”la müqavilə bağlayacaq.

Bu keçidin paytaxt təmsilçisinə 5 milyon avroya başa gəldiyi bildirilir. “Rubin” Bokettinin mövqeyinə Azərbaycan milli komandasının və “Xəzər Lənkəran”ın oyunçusu Ruslan Abışovu alıb. Abışovla münasibətlər tezliklə rəsmiləşdiriləcək.

Qeyd edək ki, Salvatore Boketti “Rubin”ə 2010-cu ilin avqustunda İtaliya “Cenoa”sından keçib. O, Kazan klubunun heyətində Rusiya çempionatının bürünc medalını, ölkə kubokunu və superkuboku qazanıb. Boketti 2009-cu ildən çıxış etdiyi İtaliya yığmasının heyətində 5 görüşə çıxıb. Futbolçu 2010-cu il dünya çempionatı üçün sifariş ərizəsində yer alsa da, oynamayıb. 2012-ci il Avropa çempionatında isə o, ilkin heyətə düşsə də, yekun siyahıya salınmayıb.

• Arbeloa açıqladı - "Real"ı tərk edəcək
• "Yunayted" qərarını verdi - KERRİKLƏ YOLA DAVAM
• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• DÇ-2026: İngiltərə millisinin heyəti açıqlandı
• 38 yaşlı futbolçu "Latsio"dan ayrılacaq - RƏSMİ