Xorvatiya klubları üçün azərbaycanlılar

28.01.2013 - 00:51

Türkiyənin Antalya şəhərində təlim-məşq toplanışında olan Azərbaycan hakimlərinin idarə edəcəyi növbəti oyunların siyahısı məlum olub. Apasport.az saytının qonşu öıkəyə ezam olunmuş əməkdaşının xəbərinə görə, bu gün həmyerlilərimiz 2 qarşılaşmada ədaləti qoruyacaq.
Bu matçların hər ikisi Xorvatiya klublarının iştirakı ilə baş tutan görüşlərdir. Belə ki, "Hayduk" (Xorvatiya) - "Hörn" (Almaniya) və "Riyeka" (Xorvatiya) - "Krılya Sovetov" (Rusiya) qarşılaşmaları təmsilçilərimizə həvalə olunub. Bu matçlarda müvafiq olaraq Ömər Paşayev və Anar Salmanov fit çalacaq.