Türkiyədə təlim-məşq toplanışında olan Azərbaycan hakimlərinin son təyinatları məlum olub. Apasport.az saytının Antalyaya ezam olunmuş əməkdaşının məlumatına görə, hazırlıqların son günündə həmyerlilərimiz 2 qarşılaşmada fit çalacaq. Bugünkü görüşlərə Anar Salmanov və Etibar Həsənov baş hakim kimi təyinat alıb.

Salmanovun rəhbərlik etdiyi briqada "Zenit" (Rusiya) - "Split" (Xorvatiya) matçında ədaləti qoruyacaq. Bu matç Rusiya telekanallarından biri ilə canlı yayımlanacaq. FİFA referisinə Yaşar Abbasov-Zeynal Zeynalov yardım edəcək. Digər Rusiya təmsilçisi "Anji"nin əvəzediciləriylə Azərbaycanın 19 yaşadək futbolçulardan ibarət millisi arasında baş tutacaq oyuna da bizim hakimlər təyinat alıb. Bu matçda Həsənova Rail Ramazanovla İskəndər Əliyev yardım edəcək.

• Günün canlı yayımlanacaq matçları - TV AFİŞA
• Bir dövrün sonu: Podolski karyerasını başa vurdu
• İtaliya klubu Kılıçsoyla bağlı qərarını verdi
• Aziz Yıldırımdan tarixi təklif: Ali Koç və Hakan Safiyə...
• Arbeloa açıqladı - "Real"ı tərk edəcək