Yenə onlar

31.01.2013 - 13:08

Bu gün 21 yaşadək futbolçular arasında Avropa çempionatının seçmə mərhələsinin püşkü atılıb. Azərbaycan milli komandası da Avro-2015-ə gedən yolda Portuqaliya, İsrail, Makedoniya və Norveçlə eyni qrupda yarışacaq.

Apasport.az saytının məlumatına görə, yığmamız bu komandaların hamısı ilə 2-ci dəfə eyni qrupda mübarizə aparacaq. Belə ki, 4 rəqibin hər biri əvvəllər 1 seçmə mərhələdə yığmamızla görüşüb.

Avro-1996-da israillilər, Avro-2000-da portuqaliyalılarla üz-üzə gələn yığmamız rəqiblərinin hərəsinə 2 dəfə uduzmuşdu. Avro-2002-də isə millimiz tarix yazdı. Komandamız ilk dəfə eyni rəqibdən 6 xal aldı ki, bu da indi qarşılaşacağımız Makedoniya millisi idi. Həmin vaxt son qələbən sonra millimiz tilsimlənərək uzun illər qələbəyə də həsrət qaldı. Ötən tsikldə isə indiki rəqibimiz Norveç yığmamızdan 6 xal qopardı.

15.11.1994 Azərbaycan – İsrail 1:2
10.10.1995 İsrail – Azərbaycan 4:0

25.03.1999 Portuqaliya – Azərbaycan 5:0
02.09.1999 Azərbaycan - Portuqaliya 0:2

06.10.2000 Makedoniya - Azərbaycan 1:2
04.09.2001 Azərbaycan - Makedoniya 1:0

06.10.2011 Azərbaycan – Norveç 0:2 01.06.2012 Norveç - Azərbaycan 1:0