Fevralın 4-dən AFFA tərəfindən UEFA-nın B kateqoriyalı məşqçi kursuna start verilib. Apasport.az saytının məlumatına görə, fevralın 18-də başa çatacaq məşğələlər Şağan Olimpiya İdman Kompleksində keçirilir. 17 yaşlılardan ibarət yığmamızın (U-17) almaniyalı çalışdırıcısı Nikolay Adamın keçdiyi məşğələlərdə millimizin sabiq kapitanı, yaxında U-16-ya baş məşqçi təyin edilən Aslan Kərimov yardımçı olur.

Kursda “Neftçi”nin sabiq məşqçisi, Arif Əsədovun hazırda U-19-da köməkçisi olan Elmir Xankişiyev, futbolçu karyerasını hələ bitirməyərək, qış fasiləsində özünə klub axtaran yarımmüdafiəçi Emin İmaməliyev, keçmiş hakimlər Aydın Ələkbərovla Tağı Məmmədov və sair iştirak edir.

• Kivu ən yaxşı seçildi
• Benitez istefaya göndərildi
• Günün canlı yayımlanacaq matçları - TV AFİŞA
• Bir dövrün sonu: Podolski karyerasını başa vurdu
• İtaliya klubu Kılıçsoyla bağlı qərarını verdi