“Bakı”nın sabiq futbolçusu Serxio Kontreras Pardo İspaniya futbol tarixində görünməmiş rekorda imza ata bilər. Apasport.az saytının məlumatına görə, 29 yaşlı hücumçu yeni keçdiyi “Reqensburq”unda cəmi 1 qol vurmaqla tarix yazacaq.

Ötən ilin mayında Azərbaycan kubokunu qazandıqdan sonra “Bakı”dan ayrılan, yarım illik klubsuz həyatına Almaniyada son qoyan Koke ləqəbli futbolçu yeni rekordun astanasındadır. Belə ki, hücumçu 7 ölkənin çempionatında qol vuran ilk ispaniyalı kimi futbol tarixinə düşməyə yaxındır.

Məsələ ondadır ki, Koke artıq 6 ölkədə qol sevinci yaşayıb. Yunanıstan “Aris”ində 28, Fransa “Marsel”ində 6, Portuqaliya “Sportinq”ində 2, ABŞ “Hyuston”unda 1 top vuran forvard Azərbaycan və İspaniyada da qol sevinci yaşayıb. O, “Bakı”da 2, “Rayo Vallekano”da 1 dəfə bunu bacarıb.

• Kivu ən yaxşı seçildi
• Benitez istefaya göndərildi
• Günün canlı yayımlanacaq matçları - TV AFİŞA
• Bir dövrün sonu: Podolski karyerasını başa vurdu
• İtaliya klubu Kılıçsoyla bağlı qərarını verdi