“Droqbanın klubumuza gəlişi xeyirli olsun. “Qalatasaray” böyük bir ailədir. O, bura xoş gəlib. Didiyeni gördüyüm üçün çox xoşbəxt oldum. Daha öncə də demişəm. Hazırda Droqba dünyanın ən məşhur, ən adlı-sanlı oyunçularından biridir. Belə bir adı komandamıza qazandıran prezidentimizə və əməyi keçən hər kəsə təşəkkür edirəm”. Apasport.az saytının məlumatına görə, bu sözləri "Qalatasaray"ın baş məşqçisi Fatih Terim deyib.

“Cim-Bom”un yeni transferi Didye Droqbanın İstanbula gəlməsindən sonra təcrübəli çalışdırıcı onunla görüşərək, mətbuat nümayəndələrinə komandasındakı aslanlarının sayının artdığını bildirib:

“Ümid edirəm ki, çalışmalarımıza gözəl bir şəkildə davam edəcəyik. Yenə təkrar edirəm. Belə adlı-sanlı və önəmli karyerası olan bir oyunçunu sərəncamımda gördüyüm üçün çox sevincliyəm. Komandamda iyirmi beş “aslan” var idi. İndi isə bir “aslan” daha qazandıq”.

• ÇL: 1/4 finalın vaxtları açıqlanıb
• Ronaldo CBF prezidentliyinə namizəd olmaqdan imtina edib
• "Aston Villa" 40 ildən sonra bunu bacardı
• Türkiyəli futbolçu “Fənər”dən ayrıla bilər
• “Yunayted”in futbolçusu zədəsini sağaldıb