“Qarabağ” Qəbələyə seriyasını davam etdirməyə və “Qəbələ” ilə mənfi seriyasını qırmağa gedir. Apasport.az saytının məlumatına görə, “köhlən atlar” 2 ildir, “Qəbələ”ni məğlub edə bilmir.

Sonuncu dəfə 2 il bundan əvvəl, fevralın 13-də “Qəbələ” üzərində doğma meydanda 3:0 hesablı qələbə də qış fasiləsindən sonrakı ilk oyuna təsadüf etmişdi. Ənənəni davam etdirmək üçün 3 günlük ara eyni durumu yaradıb.

Cari mövsümün ilk yarısında baş tutan görüşdə “Qəbələ” mərkəzi arenada “Qarabağ”ı 2:1 hesabıyla məğlub edib. XI tur çərçivəsində, oktyabrın 31-də qeydə alınan nəticədən sonra “Qarabağ” baş tutan 8 görüşdə (7 çempionat, 1 kubok) məğlubiyyət üzü görməyib (6 qələbə, 2 heç-heçə).

Göründüyü kimi, “Qarabağ” Qəbələyə 3 aydan çoxdur sürən məğlubiyyətsiz oyunlar seriyasını davam etdirməyə gedir. Qazanılacaq qələbə bu seriyanı davam etdirəcək və üstəlik rəqib qarşısında 2 ildir davam edən qələbəsizlik seriyasına son qoyacaq.

• Ronaldo sabiq komandasına qayıda bilər
• Afrikada futbol hakimi diri-diri yandırıldı
• Qyökereş "Arsenal" yolunda
• "Trabzonspor" – "Qalatasaray" matçı bu kanalda
• İtaliya çempionu 3-cü liqaya yuvarlanıb