“Turan” klubu futbol üzrə Topaz Premyer Liqasının XVI turundan təxirə salınmış qarşılaşmada “Bakı”nı Tovuz şəhər stadionunda yox, paytaxtdakı “Bakcell Arena”da qəbul edəcək. Bu haqda Lent.az-a “Turan”ın baş məşqçisi Əfqan Talıbov məlumat verib.

O bildirib ki, səbəb Tovuz şəhər stadionunun təmirə bağlanmasıdır. Fevralın 9-da Bakıdakı “Bayıl Arena”da “Rəvan”a 0:2 hesabı ilə uduzduğu XIX tur matçından sonra “Turan” rayona qayıtmayıb. Qərb klubu “Bakı” ilə matçın hazırlıqlarına elə paytaxtda başlayıb.

Qeyd edək ki, “Turan” – “Bakı” matçı fevralın 13-də keçirilməlidir.

• Almaniya Kuboku: “Bavariya” çempion
• “Hull Siti” PREMYER liqada!
• “Çelsi”nin yeni transfer hədəfi: BARKO
• Türkiyə Superkuboku: Cütlüklər bəlli oldu
• Kivu ən yaxşı seçildi