Topaz Premyer Liqasının XIX turunda bir sıra yubileylər qeydə alınıb. Apasport.az saytının məlumatına görə, 2013-cü ilin ilk rəsmi matçı “Neftçi”nin baş məşqçisi Böyükağa Hacıyev üçün əlamətdar olub. Təcrübəli mütəxəssis “Kəpəz”lə oyunda komandasını 50-ci çempionat matçına çıxarıb. Bakılılar bunda 30-cu qələbəsini qazanıb. Hacıyevin rəhbərliyi altında 5 heç-heçə edən “ağ-qaralar” 15 dəfə uduzub. Bu matçlardakı top fərqi 93:51-dir.

mövsüm	O	Q	H	M	T-F	X
2011/12	32	20	3	9	55-30	63
2012/13	18	10	2	6	38-21	32
Cəmi	50	30	5	15	93-51	95

AZAL-ın baş məşqçisi Vaqif Sadıqov isə paytaxt təmsilçisini 25-ci dəfə meydana çıxarıb. Komanda SAdıqovun rəhbərliyi altında 24 çempionat və 1 kubok matçında 7 qələbə qazanıb və eyni sayda məğlubiyyət acısı yaşayıb. Digər 11 oyun isə heç-heçə ilə başa çatıb.

“Rəvan” Topaz Premyer Liqasında uğursuz oyunlar seriyasına son qoyub. Ötən il noyabrın 19-da AZAL-ı 1:0 hesabı ilə məğlub etdikdən sonra ardıcıl 5 məğlubiyyət alan bakılılar 82 gündən sonra 3 xal qazanıb. “Turan” üzərində 2:0 hesablı qələbə qazanan paytaxt təmsilçisinin başa çatan məğlubiyyət seriyası klub tarixinin antirekordu olub. Son turdakı qələbə həm də bakılıların Premyer Liqada 15-ci qələbəsi olub.

Mövsüm, turnir	O	Q	H	M	T-F	X
2011/12, çempionat	6	2	3	1	5-3	9
2012/13, çempionat	18	5	8	5	22-20	23
2012/13, kubok	1	0	0	1	0-1	0
Cəmi, çempionat	24	7	11	6	27-23	32
Cəmi	25	7	11	7	27-24	32

• Almaniya Kuboku: “Bavariya” çempion
• “Hull Siti” PREMYER liqada!
• “Çelsi”nin yeni transfer hədəfi: BARKO
• Türkiyə Superkuboku: Cütlüklər bəlli oldu
• Kivu ən yaxşı seçildi