“Rəvan”ın qış “transfer pəncərəsi”nin son günündə heyətinə qatdığı Mindauqas Kalonas debüt matçındaca fərqlənməyə imkan tapdı. Apasport.az saytının məlumatına görə, litvalı yarımmüdafiəçi meydana çıxdıqdan bir neçə saniyə sonra, topa ilk toxunuşundaca adını tabloya yazdırdı. Təbii ki, belədə Kalonas Litvada da diqqətdən kənar qala bilməzdi.

Adıçəkilən ölkənin bir sıra idman saytları Mindauqasın uğuruna xüsusi yer ayırıb. Onlar təxminən 2 həftə sonra 29 yaşı tamam olacaq futbolçunun möhtəşəm debütünü qabardıb. Məsələn, “15min.lt” portalı “Əla debüt” sərlövhəli yazıda Kalonasın hələ əvvəkli formasını yığmadığını, ancaq meydanda olduğu 20 dəqiqə ərzində normal oynadığını yazıb. Litvalı jurnalistlər məhz onun qolundan sonra “Turan”ın təslim olduğunu da vurğulayıb.

"efutbolas.lt” saytında isə 28 yaşlı futbolçunun komandasının məğlubiyyət seriyasına son qoyduğu bildirilib. Qeyd edilib ki, Kalonas formaya düşəndən sonra komandasına daha çox xeyir verəcək.

• Almaniya Kuboku: “Bavariya” çempion
• “Hull Siti” PREMYER liqada!
• “Çelsi”nin yeni transfer hədəfi: BARKO
• Türkiyə Superkuboku: Cütlüklər bəlli oldu
• Kivu ən yaxşı seçildi