“Zeta” ilə qarşılaşmada layiqli qələbə qazandıq. Fikrimcə, hesab daha böyük ola bilərdi”. Apasport.az saytının məlumatına görə, bu sözləri Rumıniyanın “Petrolul” klubunun baş məşqçisi Kosmin Kontra deyib.

Antalyada təlim-məşq toplanışında olan “Petrolul”un çalışdırıcısı Çernoqoriyanın “Zeta” klubu ilə yoxlama oyunundakı 4:1 hesablı qələbəyə şərh verib: “Oyundan oyuna artırdığımız hiss olunur. Əvvəllər matçın gedişində yorğunluq hiss edirdiksə, indi tempi daha da artırırıq”.

Kontra baxışda olan və “Zeta” ilə matça start heyətində çıxıb, 74-cü dəqiqədə əvəzlənən Azərbaycan milli komandasının futbolçusu Elhad Nəzirinin taleyi ilə bağlı da danışıb: “Nəzirini növbəti yoxlama oyununda da sınayacağam. Bunu Bolqarıstan “Liteks”i ilə yoxlama matçında edəcəyəm”.

Qeyd edək ki, bu gün Larada keçiriləcək “Petrolul” – “Liteks” qarşılaşması Bakı vaxtı ilə saat 19:00-da başlayacaq.

• Almaniya Kuboku: “Bavariya” çempion
• “Hull Siti” PREMYER liqada!
• “Çelsi”nin yeni transfer hədəfi: BARKO
• Türkiyə Superkuboku: Cütlüklər bəlli oldu
• Kivu ən yaxşı seçildi