Cihan Özkara oynamadı, komandası 3 xal qazandı

01.03.2013 - 00:48

Türkiyə kubokunun qrup mərhələsində sonuncu turun oyunlarına yekun vurulub. Apasport.az saytının məlumatına görə, ikinci matç günü bir qarşılaşma baş tutub.

A qrupundan növbəti mərhələyə ötən turlardan “Fənərbaxça” ilə birgə keçən millimizin futbolçusu Cihan Özkaranın komandası “Sivasspor” səfərdə qrup sonuncusu “Bursaspor”la üz-üzə gəlib.

Görüş təmsilçimizin komandasının minimal hesablı qələbəsi ilə başa çatıb. Matçda vurulan yeganə qolu 50-ci dəqiqədə bursalıların sabiq futbolçusu və mövsümün ikinci yarısında “Qalatasaray”dan Sivas klubuna icarəyə göndərilən Sərcan Yıldırım vurub - 0:1.

Bu oyunda Cihan Özkara zədəli olduğu üçün “18-lik”də yer almayıb.

Qeyd edək ki, “Sivasspor” yarımfinalda B qrupunun lideri “Trabzonspor”la, “Fənərbaxça” isə yığmamızın digər futbolçusu Ufuk Budakın komandası ”Əskişəhərspor”la üz-üzə gələcək.

Türkiyə kuboku

Qrup mərhələsi

A qrupu

27 fevral

“Fənərbaxça” - “1461 Trabzon” - 2:3
Caner, 32, Səlçuk, 40 - Tiryaki, 36, Ərdoğan, 66, Jebrin, 86

28 fevral

“Bursaspor” - “Sivasspor” - 0:1
Sərcan, 50

B qrupu

27 fevral

“Trabzonspor” - “Antalyaspor” - 1:0
Sapara, 35

“Mərsin İdmanyurdu” - “Əskişəhərspor” - 0:3
Akaminko, 48, Zəngin, 59, Dəmirhan, 77