“Xəzər Lənkəran” Topaz Premyer Liqasının XXII turunda qəbul edəcəyi “Sumqayıt”la 4-cü duelə çıxacaq. Apasport.az saytının məlumatına görə, indiyədək Azərbaycan kubokunda üz-üzə gəlməyən komandalar yalnız Premyer Liqada rəqib olub.

Sumqayıt təmsilçisi ölkə çempionatının ən gənc komandalarından biri olduğundan, “Xəzər Lənkəran” bu rəqiblə ilk dəfə ötən mövsüm görüşüb. Həmin vaxt cənublular hər 2 qarşılaşmada qalib gəlib. Hər dəfə 3 qolun vurulduğu matçlarda lənkəranlılar rəqibinə xal verməyib.

Cari mövsümün ilk dövrəsində isə “Sumqayıt” ilk dəfə “Xəzər Lənkəran”dan xal almağı bacarıb. Hər 3 qarşılaşmada rəqibinin qapısına qol vuran “ağ-yaşıllar” bu matçlarda rəqibinə uduzmayıb. Hesabında 2 qələbə və 1 heç-heçə olan lənkəranlılar rəqib qapısına 6 qol vurub. “Sumqayt” isə 3 matçda cəmi 2 dəfə qol sevinci yaşayıb.

Mənbə: lankaranfc.com

• “Qalatasaray” “Benfika”ya “yox” dedi
• Cəza ona kəsildi: "Milan"da Alleqri dövrü rəsmən bitdi
• Robertson "Tottenhem"lə anlaşdı
• Spinazzola "Milan"ın hədəfində
• "Qalatasaray"ın futbolçusu I Liqa klubunda - RƏSMİ